ილიას საიუბილეოდ

მცხეთის წმინდა ათორმეტ მოციქულთა სახელობის მართლმადიდებლური საშუალო სკოლის  VII კლასის მოსწავლეებმა (ქართული ენისა და ლიტერატურის მასწავლებელი- ნაილე თაბაგარი, კლასის დამრიგებელი-ნატა შიოლაშვილი) სასწავლო პროგრამის ფარგლებში  მნიშვნელოვანი  შემეცნებითი-საგანმანათლებლო აქტივობა განახორციელეს: მას შემდეგ, რაც შეისწავლეს ილია ჭავჭავაძის  პუბლიცისტური წერილი, მოიძიეს ინფორმაციები როგორც მისი   ცხოვრებისა და შემოქმედების, ასევე საქართველოში პირველი სამეურნეო სკოლის დაარსების  შესახებ. დიდი ილიას დაბადებიდან 187-ე წლისთავზე კი ჯერ საგურამოს სახლ-მუზეუმს ეწვივნენ და  ინტერესით  დაათვალიერეს მწერლის მემორიალური ნივთები, მე-19 საუკუნის ქართული კულტურის წარმომადგენელთა ფოტო პორტრეტები,  ეპოქის ყოფის ამსახველი მასალები და მწერლის ხელნაწერები . შემდეგ კი  წინამძღვრიანთკარში ის ადგილიც მოინახულეს, საიდანაც ილიამ სამეურნეო სკოლის გახსნისას სიტყვით მიმართა შეკრებილ საზოგადოებას. მოსწავლეებმა დაათვალიერეს   საქართველოში პირველი პროფესიული სასწავლებლის ისტორიული შენობა, მოისმინეს ილიას თანამოაზრის, ცნობილი პედაგოგისა და საზოგადო მოღვაწის- ილია წინამძღვრიშვილის ბიოგრაფია, მიიღეს ინფორმაცია სხვადასხვა პროფესიული მიმართულების შესახებ. ბოლოს კი ისტორიული ,,9 მუხაც” მოინახულეს .

ვფიქრობთ,  დაგეგმილი  აქტივობები ხელს შეუწყობს  მოსწავლეთა ცნობიერების ამაღლებასა და შემეცნებითი უნარების განვითარებას.